Samtök atvinnulífs á Íslandi og Grænlandi taka upp samvinnu

Samtök grænlenskra atvinnurekenda, NUSUKA, hafa tekið upp samstarf við Samtök atvinnulífsins á Íslandi. Ole Aggo Markussen, framkvæmdastjóri grænlensku samtakanna segir við fréttavefinn sermitsiaq.gl, að þetta sé afar mikilvægt skref fyrir grænlenskt atvinnulíf og það muni tengja löndin betur saman.

Fram kemur á fréttavefnum, að samkomulagið þýði í aðalatriðum, að samskipti milli landanna verði aukin á þessu sviði með það að markmiði að leita að auknum viðskiptatækifærum. Þá muni Samtök atvinnulífsins miðla reynslu sinni til félaga í NUSUKA, einkum varðandi samskipti við Evrópusambandið og önnur ríki.

Bandarísk væntingavísitala lækkar

Mjög hefur dregið úr væntingum bandarískra neytenda, samkvæmt mælingu stofnunarinnar Conference Board, og er það m.a. rakið til hækkandi verðs á bensíni. Þá sýna nýjar hagtölur, að mikill samdráttur hefur orðið á fasteignamarkaði, eða um 8,4% milli febrúar og mars. Er það mesti samdráttur sem orðið hefur milli mánaða í tvo áratugi.

105 milljóna hagnaður af rekstri Nýherja

Hagnaður af rekstri Nýherja nam 105 milljónum króna eftir skatta og afskriftir á fyrsta fjórðungi ársins samanborið við 54 milljóna króna hagnað á sama tímabili í fyrra. Tekjur námu 2389,5 milljónum og jukust um 25% frá sama ársfjórðungi árið áður. Rekstrarhagnaður af starfsemi Nýherja var 122,1 milljón króna.

Vörusala og tengd þjónusta jókst um 354,2 milljónir milli ára eða 28%. Námu tekjur af þessum þætti 1625,2 milljónum í ársfjórðungnum.

Í tilkynningu Nýherja segir, að tekjur í fyrsta ársfjórðungi hafi verið nokkuð umfram áætlanir og afkoma í samræmi við áætlun. Söluhorfur í öðrum ársfjórðungi séu góðar og því sé gert ráð fyrir að áætlanir félagsins gangi eftir.

Áður óþekkt eyja birtist við Grænland

Breska blaðið The Independent segir, að teikna þurfi Grænlandskortið upp á nýtt því ný eyja hafi birst við austurströnd landsins. Ís, sem áður var landfastur, bráðnaði og í ljós kom að það sem áður var talinn vera endi á skaga er í raun nokkurra ferkílómetra stór eyja.

Blaðið segir, að Bandaríkjamaðurinn Dennis Schmitt, sem er sérfræðingur í Grænlandi, hafi tekið eftir þessu og nefnt eyjuna Hlýnunareyju (Uunartoq Qeqertoq). Eyjan er um 650 km fyrir norðan heimskautsbaug og í laginu eins og hönd með þremur fingrum. Bandaríska landfræðistofnunin hefur staðfest þennan fund með gervihnattamyndum en þær sýna, að árið 1985 virtist eyjan vera hluti af meginlandinu, árið 2002 var hún tengd við land með mjórri ísspöng en sumarið 2005 var ísinn á sundinu horfin.

Blaðið segir, að þetta sé enn ein vísbendingin um að bráðnum meginíssins á Grænlandi sé mun hraðari en áður var talið. Bráðni íshellan öll myndi það leiða til þess að yfirborð sjávar hækkaði um 7,2 metra.

Áfengisneysla eykur líkur á brjóstakrabbameini

Áfengisneysla eykur umtalsvert líkur á brjóstakrabbameini samkvæmt rannsókn sem danska vísindakonan Lina Mørch hefur gert á 18.000 dönskum hjúkrunarkonum. Frá þessu segir á vefsíðu danska blaðsins Berlingske Tidende.

Í niðurstöðunum kemur m.a. fram að þær konur sem drekka 22 til 27 drykki á viku eru tvöfalt líklegri til að fá brjóstakrabbamein en þær sem aðeins drekka 1-3 drykki á viku.

Áfengismagn sem neytt er virðist því hafa talsverð áhrif á það hvort konur veikjast af brjóstakrabbameini, en samkvæmt rannsókninni aukast líkurnar enn frekar ef um er að ræða svokallaða helgardrykkju, þar sem mikils magns áfengis er neytt á stuttum tíma, t.a.m. um helgar. Þá er tekið fram að svo lítið sem fjórir til fimm bjórar á einu kvöldi geti haft neikvæð áhrif.

FÁ í öðru sæti Söngkeppni Framhaldskólanna '07

Söngkeppni Framhaldskólanna var haldin á Akureyri helgina 13 - 15 apríl. Fóru um 70 manns frá FÁ til að fylgjast með sínum manni, Arnari Má Friðrikssyni. Arnar söng lagið Bed of Roses eftir John Bon Jovie ásamt systur sinni Ingunni Friðriksdóttur. Stóðu þau sig með príði og höpuðu öðru sætinunu, en það fyrsta hirti Eyþór úr VMA.

Almenn ánægja var með keppnina, ballið og ferðina í heildsinni og voru allir til fyrirmyndar.

Söngvakeppni Ármúlaskólans

 Í gær var söngvakeppnin haldin á Broadway og var þetta án efa ein flottasta keppni sem haldin hefur verið í mörg ár. Alls kepptu 18 atriði til þess að vera fulltrúi Ármúlaskólans á Söngvakeppni Framhaldsskólana sem verður haldin á Akureyri seinna á önninni.

Sigurvegarinn var Arnar Már Friðriksson enn hann söng lagið In a dream eftir Badlands enn hann söng lagið án undirspils. í öðru sæti var Dagur Sigurðsson enn hann tók lagið Child in time eftir Deep Purple. Í þriðja sæti var Davíð Örn "Hollywood" Hjartarson og tók lagið Apocalypse sem er frumsamið lag. Einnig hlaut Aðalsteinn Sigfússon sérstaka athygli frá dómnefndinni, enn hann flutti lagið Place of mine sem er frumsamið lag.

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.